Tag Archives: معصوم زینب

قصور ،معصوم زینب کے چہلم کی رسم اس کی رہائش گاہ روڈ کوٹ میں ادا کی گئی


قصور (نیوز ڈ یسک)معصوم زینب کے چہلم کی رسم اس کی رہائش گاہ روڈ کوٹ میں ادا کی گئی جس میں دوسرے علاقوں سے آنے والے افراد کی کثیر تعداد نے بھی شرکت کی مرحومہ کے ایصال ثواب کے لیے فاتحہ خانی کی گئی اور دعا ئیں مانگی گئیں۔ اس موقع پر تحریک منہاج القران کے مرکزی ناظم نے خطاب کیا جس سے ہر آنکھ اشکبار ہو گئی ۔

معصوم زینب کے ہاتھ سے لکھے گئے آخری مضمون نے عوام کو مزید رنجیدہ کر دیا


لاہور (نیو زڈیسک) معصوم زینب کے ہاتھ سے لکھے گئے آخری مضمون نے عوام کو مزید رنجیدہ کر دیا۔ زینب کا آخری مضمون دنیا نیوز نے حاصل کر لیا۔ ننھی زینب کی کتابیں اور کاپیاں اسی طرح اس کے بیگ میں موجود ہیں، جن پر 4 جنوری تک کا ہوم ورک موجود ہیں۔یہ وہی روز ہے جب زینب اغواء ہوئی اور پھر کبھی لوٹ کر گھر واپس نہ آئی۔

ننھی پری زینب نے اپنے آخری ہوم ورک میں تحریر کیا کہ میرے والد کا نام امین ہے، میری عمر سات سال ہےاور میں قصور میں رہتی ہوں، میں اول جماعت میں پڑھتی ہوں، میں الفاروق اسکول میں پڑھتی ہوں۔زینب کے تحریر کردہ یہ جملے اب بھی موجود ہیں، جو ہمیں جھنجھوڑ جنجھوڑ کر یہ بتاتے رہیں گے زینب ایک پاکستانی بچی تھی، جس کی معصومیت، اس کے بچپن کو ہمارے ہی معاشرے کے ایک درندے نے چھین لیا۔ زینب کے اغواء اور قتل کے بعد ننھی پری کے والدین پل پل مرنے لگے ہیں۔ ہر شخص کی زبان پر ایک ہی سوال ہے کہ درندہ انجام کو کب پہنچے گا؟دوسری جانب زینب کے افسوناک قتل پر بھارتی اداکارہ نیرو باجوہ نے بھی اظہار افسوس کیا ہے انہوں نے اپنے انسٹاگرام اکاؤنٹ پر اس واقعہ کو افسوسناک قرار دیا۔