شروع اللہ کے نام سے جو بڑا مہربان نہایت رحم والا ہے ِ

معروف ٹی وی اداکار اور پروڈیوسر عابد علی انتقال کر گئے


لاہور ۔ (نیوزڈیسک) معروف ٹی وی اداکار اور پروڈیوسر عابد علی انتقال کر گئے ہیں۔ تفصیلات کے مطابق عابد علی گزشتہ دو ماہ سے شدید علیل اور ہسپتال میں زیر علاج تھے، جمعرات کی شام دارِ فانی سے کوچ کر گئے ہیں۔ گزشتہ چند روز سے لیجنڈری ایکٹر عابد علی کی موت سے متعلق افواہیں گردش میں تھیں جبکہ ان کی صاحبزادی نے جئی بار ان کی

تردید بھی کی تھی۔ اب عابد علی وفات پا گئے ہیں۔ عابد علی نے کئی فلموں اور ڈرامہ سیریز میں بہترین اداکاری کے جوہر دکھائے اور انہوں نے پاکستان ٹی وی سے بہت شہرت پائی آج پاکستانی ڈرامہ اور فلم میں اکیڈمی کا درجہ رکھنے والے یہ اداکار وفات پا چکے ہیں۔ عابد علی کی اہلیہ نے ان کی وفات کی تصدیق کر دی ہے۔ اس سے قبل انکی بیٹی رحمہ علی نے انسٹاگرام پر ایک اسٹوری کے ذریعے بتایا تھا کہ ڈاکٹرز نے ان کے والد کو جواب دے دیا ہے، جس کے بعد سوشل میڈیا پر ایسی خبریں سامنے آئی تھیں کہ عابد علی کا انتقال ہوگیا جس کی بعد میں انہوں نے تردید کی تھی تاہم اب انکی اہلیہ نے تصدیق کر دی ہے کہ عابد علی اس دنیا میں نہیں رہے۔ شوبز اور تمام حلقوں نے عابد علی کی وفات پر گہرے دکھ کا اظہار کیا ہے اور ان کی مغفرت کی دعا کی ہے۔





اس وقت سب سے زیادہ مقبول خبریں
تازہ ترین خبریں

دلچسپ و عجیب

بزنس