شروع اللہ کے نام سے جو بڑا مہربان نہایت رحم والا ہے ِ

خیبرپختونخواہ افغانیوں کا ہے، محمود خان اچکزئی پھر سے افغانستان کی زبان بولنے لگے


لاہور (نیوزڈیسک) خیبرپختونخواہ افغانیوں کا ہے، محمود خان اچکزئی پھر سے افغانستان کی زبان بولنے لگے، پشتونخوا ملی عوامی پارٹی کے سربراہ ماضی میں بھی ایسے بیانات دے چکے، جبکہ اپنے کارکنوں کو افغانستان کی شہریت اختیار کرنے کی تلقین بھی کر چکے۔ تفصیلات کے مطابق ہمیشہ سے متناعات بیانات داغنے کیلئے مشہور پشتونخوا ملی عوامی

پارٹی کے سربراہ محمود خان اچکزئی نے پھر سے متنازعہ بیان داغ دیا ہے۔ محمد خان اچکزئی کی جانب سے ایک افغان اخبار کو دیے گئے انٹریو میں کہا گیا ہے کہ پاکستان کا شمالی صوبہ خیبرپختوںخواہ افغانیوں کا ہے۔ یہ پہلا موقع نہیں ہے کہ جب پشتونخوا ملی عوامی پارٹی کے سربراہ محمود خان اچکزئی نے ایسا متنازعہ بیان داغا ہوا، ماضی میں بھی متعدد مرتبہ وہ ایسے بیانات دے چکے ہیں۔ کچھ عرصہ قبل ہی محمود خان اچکزئی اپنے کارکنوں کو افغانستان کی شہریت اختیار کرنے کی تلقین بھی کر چکے ہیں۔ یہ خبریں بھی سامنے آتی رہیں کہ محمود خان اچکزئی افغانستان کے دارالحکومت کابل میں بھارت کی ایما پر پاکستان کے خلاف کام کرنے والے افغان خفیہ ادارے این ڈی ایس کے سربراہ سے ملاقاتیں کر چکے ہیں۔ جبکہ یہ محمود خان اچکزئی ہی ہیں جنہوں نے ہمیشہ سے پاک افغان سرحد کو سیل کرنے کی مخالفت کی ہے، بلکہ اس سرحد کو بین الاقوامی سرحد کے طور پر قبول کرنے سے بھی انکار کیا ہے۔2016میں کا بل میں بیٹھ کر محمود خان اچکزئی نے بیان داغا تھا کہ خیبر پختوانخواء افغانستان کا حصہ ہے۔ محمود خان اچکزئی فاٹا کے خیبرپختونخواہ

میں انضمام کے بھی مخالف رہے ہیں۔ محمود خان فاٹا کو ایک الگ صوبہ بنانے کا مطالبہ کر چکے ہیں۔ ان کاکہنا ہے کہ اس انضمام سے افغانستان میں ناراضگی ہے کیونکہ اس سے افغان کا پختونستان کے قیام کا خواب کھٹائی میں پڑجائیگا۔





اس وقت سب سے زیادہ مقبول خبریں
تازہ ترین خبریں

دلچسپ و عجیب

بزنس