شروع اللہ کے نام سے جو بڑا مہربان نہایت رحم والا ہے ِ

پی ایس ایل 5 کے میچز صرف لاہور اور کراچی میں نہیں ہوں گے بلکہ کس کس شہر کو کتنے کتنے میچز دیے جائیں گے ؟ پی سی بی نے کرکٹ کے دیوانوں کے لیے بڑی خوشخبری سنا دی


اسلام آباد (ویب ڈیسک ) پاکستان کرکٹ بورڈ (پی سی بی) کے چیئرمین احسان مانی نے کہا ہے کہ پاکستان سپر لیگ (پی ایس ایل) کا پانچواں ایڈیشن پاکستان میں ہی کھیلا جائے گا جس کے میچ صرف کراچی اور لاہور نہیں بلکہ 4 سے 5 شہروں میں کرائے جانے کی بھرپور کوشش کی جا رہی ہے۔نجی ٹی وی چینل کے پروگرام میں گفتگو کرتے ہوئے احسان مانی نے

کہا کہ پی ایس ایل سیزن فائیو کے میچز زیادہ سے زیادہ شہروں میں کرائے جانے کی کوشش کریں گے البتہ چار شہروں میں یقینی طور پر کرکٹ کا میلہ سجے گا مگر کوشش کریں گے کہ پانچ شہروں میں میچ ہوں تاکہ تمام شہروں پر کم سے کم بوجھ پڑے۔اس موقع پر انہوں نے سندھ حکومت اور کراچی انتظامیہ کی بھرپور تعریف کرتے ہوئے کہا ہے کہ انہوں نے اپنے تمام وسائل پی ایس ایل میچوں کی کامیابی کیلئے مختص کئے اور جس طرح کا تعاون انہوں نے پیش کیا، دیگر شہروں کیلئے شہروں کیلئے یہ بہت بڑا چیلنج ہو گا، لاہور میں میچ نہ ہونے کا افسوس ہے مگر یہ ہمارے ہاتھ میں نہیں تھا، اگلے سال راولپنڈی، ملتان اور اس کے علاوہ ایک اور دو سٹیڈیمز میں میچ کھیلے جائیں البتہ حتمی فیصلہ کرنا ابھی باقی ہے۔ایک سوال کے جواب میں انہوں نے کہا کہ قذافی سٹیڈیم کی تزئین و آرائش کا کام پچھلے سال سے جاری ہے جبکہ راولپنڈی میں ابھی کافی کام کرنا ہے جس میں سے کچھ کام شروع کر دیا گیا ہے۔ اس کے علاوہ ملتان میں بھی کام ہو رہا ہے اور یقینی طور پر وہاں میچ کروائے جائیں گے تاہم ہمیں یہ یاد رکھنا چاہئے کہ پاکستان میں 11 سال سے انٹرنیشنل کرکٹ نہیں ہوئی اس

لئے سٹیڈیمز کے معیار کو بہتر بنانے میں ایک سے دو سال کا عرصہ لگ جائے گا۔





اس وقت سب سے زیادہ مقبول خبریں
تازہ ترین خبریں

دلچسپ و عجیب

بزنس