شروع اللہ کے نام سے جو بڑا مہربان نہایت رحم والا ہے ِ

بیت المقدس کے تحفظ کیلئے عالم اسلام ایک ہو گیا، تمام اسلامی ممالک نے بڑا اعلان کر دیا


استنبول(سی پی پی )اسلامی سربراہی کانفرنس میں اس عزم کا اعادہ کیا گیا ہے کہ القدس کی تاریخی اورقانونی حیثیت کیتحفظ کیلئے ہرممکن اقدام اٹھایا جائیگا۔گزشتہ روز فلسطین میں حالیہ ظلم و جبر پر ترکی کے دارالحکومت استنبول میں ترک صدر رجب اردگان کی زیرِ صدارت ہونے والے او آئی سی کے ہنگامی اجلاس کے اعلامیے میں کہا گیا کہ ترک صدرکے

انتہائی اہم معاملے پراجلاس بلانے کاعمل قابل ستائش اور 29 ویں عرب لیگ اجلاس میں فلسطین سے متعلق قرارداد خوش آئند ہے۔،امریکی ایما پر اسرائیلی افواج جنگی جرائم کاارتکاب کررہی ہے،اسرائیل نے یہ جرائم امریکی سفارتخانہ منتقلی کے غیر قانونی پس منظرمیں کیے،سفارتخانہ منتقلی مجرمانہ قدم،اقوام متحدہ چارٹر اورعالمی قوانین کی خلاف ورزی اور مسلم اْمہ کیخلاف اشتعال انگیزی اور دشمنی ہے۔سفارتخانہ منتقلی القدس کے فلسطین کے دارالحکومت کی قانونی حیثیت تبدیل نہیں کرسکتی،امریکی سفارتخانے کی غیر قانونی منتقلی پر غزہ کی پٹی پرغیر مسلح فلسطینیوں کے پرامن احتجاج پر تشدد کے نتیجے میں 60 فلسطینیوں کی شہادت اور2700 کے زخمی ہونے کی شدید الفاظ میں مذمت کرتے ہیں۔اعلامیے کے مطابق القدس کی تاریخی اورقانونی حیثیت کیتحفظ کیلئے ہر ممکن اقدام اٹھایا جائیگا، او آئی سی سمیت پوری مسلم اْمہ فلسطین اور اس کے عوام کی مکمل حمایت کا اعلان کرتی ہے اور مطالبہ کرتی ہے کہ اقوام متحدہ فلسطینی عوام کے تحفظ کیلئے اپنا قانونی کردار ادا کرے،سانحہ غزہ کی تحقیقات کیلئے عالمی ماہرین کی آزاد کمیٹی تشکیل دی جائے اور وہ

تحقیقاتی کمیٹی اسرائیلی مظالم پر حقائق عالمی برادری کے سامنے لائے۔





اس وقت سب سے زیادہ مقبول خبریں
تازہ ترین خبریں

دلچسپ و عجیب

بزنس