Tag Archives: عمران خان

عمران خان میرا پرانا دوست، میں اس کی دل سے عزت کرتا ہوں اس لیے ۔۔۔۔ تحریکِ انصاف میں شمولیت کے حوالے سے چوہدری نثار کا فیصلہ کن اعلان


لاہور (ویب ڈیسک ) چوہدری ںثار نے تحریک انصاف میں شمولیت سے متعلق اپنا فیصلہ سنا دیا ہے۔ تفصیلات کے مطابق نجی ٹی وی چینل کے پروگرام سے گفتگو کرتے ہوئے سابق وزیر داخلہ اور ن لیگ کے سینئر رہنما چوہدری نثار کا ایک سوال کے جواب میں کہنا تھا کہ وہعمران خان کی قدر کرتے ہیں۔ عمران خان اور ان کا تعلق زمانہ طالب علمی سے ہے۔وہ

دونوں بہترین دوست ہیں، تاہم ساڑھے 3 برس سے دونوں کے درمیان کسی قسم کا رابطہ قائم نہیں ہوا۔ چوہدری نثار کا کہنا ہے کہ پارٹی میں شمولیت کی عمران خان کی دعوت کی قدر کرتے ہیں، تاہم اس حوالے سے فی الحال کوئی جواب نہیں دیں گے۔ واضح رہے کہ تحریک انصاف کے سربراہ عمران خان کئی مواقعوں پر سابق وزیر داخلہ اور اپنے پرانی ساتھی چوہدری نثار کو اپنی جماعت میں شمولیت کی دعوت دے چکے ہیں۔ عمران خان کا کہنا ہے کہ وقت آگیا ہے کہ اب چوہدری نثار ان کی جماعت میں شامل ہو جائیں۔ تاہم چوہدری نثار اس حوالے سے کوئی واضح موقف اختیار کرنے سے گریزاں ہیں۔ چوہدری نثار علی خان کا کہنا تھا کہ سپریم کورٹ سے متعلق ن لیگ کے مؤقف سے میں نے اختلاف کیا اور سپریم کورٹ سے متعلق ن لیگ کا موجودہ مؤقف پارٹی بیانیہ نہیں بلکہ ایک سیاسی مؤقف ہے۔چوہدری نثار نے کہا کہ ن لیگ کے اندر میں واحد شخص تھا جس نے پاناما معاملہ عدالت لے جانے سے منع کیا تھا، پہلے دن سے مؤقف تھا کہ سپریم کورٹ سے تصادم کی پالیسی نہیں اپنانی چاہیئے۔انہوں نے کہا کہ سپریم کورٹ کے فیصلے پر یہ تجزیہ نہیں ہوتا کہ صحیح ہے یا غلط بلکہ اس

پر عمل کیا جانا چاہیے، سپریم کورٹ کے فیصلے پر یہ نہیں لکھا کہ اس پر تجزیہ کریں۔ان کا کہنا تھا کہ سپریم کورٹ کا فیصلہ غلط ہےتو اس کے ذمے دار ہم ہیں کیونکہ ہم خود معاملہ عدالت لیکر گئے تھے۔عمران خان کے حوالے سے سابق وفاقی وزیر کا کہنا تھا کہ ان سے میرا تعلق اسکول کے زمانے کا ہے، میرے خلاف اور کچھ نہیں ملتا تو کہا جاتا ہے عمران خان سے دوستی ہے۔انہوں نے کہا کہ سیاسی طور پر پی ٹی آئی اور عمران خان پر تنقید کر سکتا ہوں لیکن ذاتی طور پر نہیں، نوازشریف سے کہا کہ میں عمران خان پر تنقید نہیں کر سکتا کیونکہ ان سے 30 سال کا تعلق ہے جسے بگڑنے میں بھی 30 سال لگنے چاہئیں۔مسلم لیگ (ن) کی پارٹی صدارت کے حوالے سے پوچھے گئے سوال پر چوہدری نثار نے کہا کہ موجودہ حالات میں شہباز شریف پارٹی کے لیے نیک شگون ہیں۔چوہدری نثار نے کہا کہ مریم نواز پارٹی لیڈر نہیں ہیں لیکن اگر مستقبل میں وہ پارٹی لیڈر بنتی ہیں تو میں اس کا حصہ نہیں ہوں گا۔ان کا کہنا تھا کہ ذوالفقار علی بھٹو کو پھانسی ہو چکی تھی اور ان کے دونوں بیٹے بیرون ملک تھے اس لیے اس وقت بینظیر کے علاوہ کوئی آپشن نہیں تھا۔پارٹی ٹکٹ کے

حوالے سے چوہدری نثار نے کہا کہ میں کسی کے ٹکٹ کا محتاج بھی نہیں ہوں اور زندگی میں کبھی ٹکٹ کے لیے درخواست نہیں دی۔سینیٹ الیکشن کے حوالے سے رہنما مسلم لیگ (ن) نے کہا کہ رضا ربانی نے مشکل حالات میں اچھے طریقے سے سینیٹ کو چلایا، اگر ہم رضا ربانی کو لانا چاہتے تھے تو ان کا نام عام کرنے کی کیا ضرورت تھی۔سابق وزیر داخلہ نے کہا کہ آخری وقت میں سینیر ترین شخص راجا ظفرالحق کو نامزد کیا گیا، جب نمبرز پورے نہیں تھے تو اتنے سینئر شخص کو نامزد نہیں کرنا چاہیے تھا۔ان کا کہنا تھا کہ سینیٹ میں ہوتا تو کہتا کہ پارٹی کہتی رہے لیکن میں ڈپٹی چیئرمین کیلیے ووٹ نہیں ڈالوں گا، ہمیں اپنی غلطیوں کا ادراک اور احساس کرنا چاہیے۔

چیئرمین پی ٹی آئی عمران خان نے8 شہروں سےالیکشن لڑنےکا فیصلہ کرلیا


لاہور(نیوزڈیسک): تحریک انصاف کے چیئرمین عمران خان نے 8 شہروں سے الیکشن لڑنے کا فیصلہ کرلیا ہے،عمران خان کوئٹہ اور وزیرستان سمیت مختلف شہروں سے الیکشن لڑیں گے۔ میڈیا رپورٹس کے مطابق چیئرمین پی ٹی آئی عمران خان نے آئندہ الیکشن 2018ء میں ملک بھرمیں8شہروں سے قومی اسمبلی کے حلقوں سے الیکشن لڑنے کافیصلہ کرلیاہے۔

عمران خان کے ملک کے مختلف شہروں میں الیکشن لڑنے کے حوالے سے پارٹی میں مشاورت کاعمل جاری ہے۔عمران خان کراچی ، لاہور ، پشاور ،کوئٹہ،اسلام آباد،ایبٹ آباد ، میانوالی اور وزیرستان سے الیکشن میں حصہ لیں گے۔اسی طرح مزید دو حلقوں سے بھی الیکشن لڑنے کیلئے مشاورت جاری ہے۔واضح رہے چیئرمین پی ٹی آئی عمران خان پارٹی کی ممبرسازی مہم کے سلسلے میں آج ملتان کے دورے پرگئے ہوئے ہیں۔ممبرسازی مہم کے دوران عمران خان ملک بھرمیں تمام شہروں کے دورے کریں گے۔

عمران خان کی تقریر کے دوران جوتا پھینک دیا گیا ،،سینے پر جا لگا


گجرات (مانیٹرنگ ڈیسک)پاکستان تحریک انصاف کی گجرات میں ہونے والی مہم سازی مہم کے دوران بھی انتہائی افسوسناک واقعہ پیش آگیا۔ عمران خان کےخطاب کے دوران جوتا اچھال دیا گیا۔ نجی ٹی وی چینل 92نیوز کی رپورٹ کے مطابق چئیرمین پاکستان تحریک انصاف عمران خان جلسے کے دوران خطاب کر رہے تھے کہ سامنے کھڑے ہوئے مجمع میں

سے ایک شخص نے سٹیج پر جوتا پھینکا تو عمران خان کے ساتھ کھڑے ہوئے علیم خان کو جا لگا جوتا سیدھا جا کر علیم خان کے سینے پر جا لگا ۔ عمران خان نے اس واقعے کے فوری بعد اپنی تقریر ختم کی اور کارکنوں کے حصار میں ہی وہاں سے روانہ ہو گئے۔

چیئرمین سینٹ اور ڈپٹی چیئرمین کا انتخاب، وزیراعلیٰ بلوچستان عبدالقدوس بزنجو کی عمران خان کے ہمراہ پریس کانفرنس،بڑا اعلان کردیاگیا


اسلام آباد (مانیٹرنگ ڈیسک) پاکستان تحریک انصاف کے چیئرمین عمران خان نے کہا ہے کہ بلوچستان کے وزیراعلیٰ کو مبارکباد دیتا ہوں کہ تاریخ میں پہلی مرتبہ بلوچستان سے چیئرمین سینیٹ بنے گا، ہماری ہماری خواہش ہے کہ فاٹا سے ڈپٹی چیئرمین سینیٹ بنے ، ہماری جماعتیں آج کل صوبائی پارٹیاں بن چکی ہیں ضرورت وفاقی پارٹیوں کی ہے جبکہ وزیراعلیٰ

بلوچستان عبدالقدوس بزنجو نے کہا کہ چیئرمین سینیٹ کیلئے بلوچستان سے امیدوار کیلئے عمران خان کی جانب سے نامزدگی پر ان کے مشکور ہیں، ہم آصف زرداری اور بلاول بھٹو کے ماضی میں بلوچستان کیلئے کئے گئے اقدامات جن میں 18ترمیم ، ڈپٹی چیئرمین سینیٹ اور این ایف سی ایوارڈ پر ان کے شکر گزار ہیں،ہم عمران سے استدعا کرتے ہیں کہ ہمارے پینل کی سپورٹ کیلئے پی ٹی آئی کے سینیٹرز ہماری حمایت کریں، ہم مولانا فضل الرحمان ، میر حاصل بزنو سے اس معاملے پر بات کریں گے۔ہفتہ کو پاکستان تحریک انصاف کے چیئرمین عمران خان اور وزیراعلیٰ بلوچستان عبدالقدوس بزنجو نے مشترکہ پریس کانفرنس کی۔ عبدالقدوس بزنجو نے کہا کہ ہم چیئرمین سینیٹ کیلئے بلوچستان سے امیدوار کیلئے عمران خان کی جانب سے نامزدگی پر ان کے مشکور ہیں، پیپلز پارٹی کے اپنے امیدوار کے باوجود بلوچستان کیلئے نامزدگی پر میں آصف زرداری اور بلاول بھٹو کا مشکور ہوں، ہم آصف زرداری اور بلاول بھٹو کے ماضی میں بلوچستان کیلئے کئے گئے اقدامات جن میں 18ترمیم ، ڈپٹی چیئرمین سینیٹ اور این ایف سی ایوارڈ پر ان کے شکر گزار ہیں۔ انہوں نے

کہا کہ ہم عمران سے استدعا کرتے ہیں کہ ہمارے پینل کی سپورٹ کیلئے پی ٹی آئی کے سینیٹرز ہماری حمایت کریں، ہم مولانا فضل الرحمان ، میر حاصل بزنو سے اس معاملے پر بات کریں گے، ہم فاٹا کے دوستوں سے بھی درخواست کریں گے کہ ہماری سپورٹ کریں، ہم بھی عمران خان کے ساتھ کھڑے ہیں۔ پاکستان تحریک انصاف کے چیئرمین عمران خان نے

کہا کہ میں بلوچستان کے وزیراعلیٰ کو مبارکباد دیتا ہوں کہ تاریخ میں پہلی مرتبہ بلوچستان سے چیئرمین سینیٹ بنیں گے، ہماری ہماری خواہش ہے کہ فاٹا سے ڈپٹی چیئرمین سینیٹ بنیں، فاٹا کے حالات بھی بہت خراب رہے ہیں، ہمارے تمام سینیٹرز وزیراعلیٰ بلوچستان کے پینل کو سپورٹ کریں گے، بلوچستان میں بہت احساس محرومی ہے، ہم کسی صورت نہیں چاہتے کہ(ن) لیگ کا امیدوار چیئرمین سینیٹ بنے، ہماری جماعتیں آج کل صوبائی پارٹیاں بن چکی ہیں جبکہ ضرورت وفاقی پارٹیوں کی ہے۔

عمران خان کی جان کوخطرہ ۔۔۔پنجاب پولیس نے وارننگ جاری کردی


لاہور (ویب ڈیسک) پنجاب پولیس نے پی ٹی آئی چیئرمین عمران خان کی سیکیورٹی کے حوالے سے انھیں ہدایت کی ہے کہ وہ کھلے اجتماعات سے گریز کریں اور جلسوں میں بُلٹ پروف ڈائس کا استعمال کریں۔لاہور پولیس نے پاکستان تحریک انصاف (پی ٹی آئی) کے چیئرمین عمران خان کو سیکیورٹی کے پیشِ نظر اپنی نقل و حرکت محدود کرنے کی ہدایت کر

دی ہے۔ دنیا نیوز کے ذرائع کے مطابق پولیس حکام نے پی ٹی آئی رہنما شعیب صدیقی اور اجاسم شریف کو میٹنگ کے دوران اپنے خدشات سے آگاہ کیا، اس حوالے سے محکمہ داخلہ اور حساس داروں کی رپورٹس بھی مہیا کر دی گئی ہیں۔پولیس کی جانب سے پی ٹی آئی چیئرمین کو نقل وحرکت محدود کرنے کی ہدایت جاری کرتے ہوئے کہا گیا ہے کہ عمران خان کے جلسوں میں بُلٹ پروف ڈائس استعمال اور کھلے اجتماعات سے گریز کیا جائے۔ دوسری جانب پولیس حکام نے اپنے افسران کو بھی احتیاط برتنے کی ہدایت جاری کر دی ہے۔

پاکستانی فلموں کا رنگ عمران خان پر بھی چڑھ گیا ۔ فلم دیکھنے کے لیے دوست کے ساتھ سینیما گھر پہنچ گئے ! کپتان نے کونسی فلم دیکھی ؟


اسلام آباد (ویب ڈیسک) تحریک انصاف کے چیئر مین عمران خان فلم دیکھنے سنیما پہنچ گئے، فیصل جاوید، زلفی بخاری اور شیخ رشید بھی ان کے ہمراہ تھے۔چیئرمین پی ٹی آئی عمران خان اپنے دوست زلفی بخاری کی فرمائش پر فلم کیک کے پریمیر میں شریک اور فلم سے محظوظ ہوئے۔ اس موقع پر شیخ رشید بھی ان کے ہمراہ تھے۔لالی ووڈ کی نئی فلم کیک

کی پہلی جھلک منظرعام پر آ گئی ۔ عاصم عباسی کی ہدایتکاری میں بننے والی نئی پاکستانی فلم کیک میں اداکارہ صنم سعید، آمنہ شیخ ،عدنان ملک اور محمد احمد سمیت دیگر کام کر رہے ہیں۔ کیک، ایک فیملی ڈرامہ فلم ہے جس میں صنم سعید اور آمنہ شیخ دو بہنوں کے کردار میں نظرآئیں گی ۔ عدنان ملک پہلی بار کسی فلم میں بطور اداکار کام کر رہے ہیں۔ فلم رواں ماہ کے آخر میں ریلیز کی جائے گی۔

زرداری نہ نواز شریف : عمران خان نے چیئرمین سینٹ کے انتخاب کے لیے اپنا وزن وزیر اعلیٰ بلوچستان کے حصے میں کیوں ڈالا ؟ حقیقت سامنے آ گئی


اسلام آباد،پشاور(ویب ڈیسک ) عمران خان کی عبدالقدوس بزنجو سے ملاقات ،چیئرمین سینیٹ بلوچستان سے ہونا چاہیے :چیئرمین تحریک انصاف بلوچستان میں نومنتخب سینیٹرز میں آزاد 6،نیشنل پارٹی2، پی کے میپ 2اور جے یو آئی ف کا ایک رکن شامل ہے تحریک انصاف کے چیئرمین عمران خان نے چیئرمین سینیٹ کے لئے اپنی پارٹی کے13 ووٹ وزیر اعلیٰ

بلوچستان کے حوالے کر دیئے ، چیئرمین پی ٹی آئی نے بلوچستان ہاؤ س میں وزیر اعلیٰ عبدالقدوس بزنجو اور آزاد سینیٹرز سے ملاقات کی ، دونوں رہنماؤں نے سینیٹ الیکشن اورمختلف امورپر تبادلہ خیال کیا ، بعدازاں میڈیا سے گفتگو کرتے ہوئے عمران خان نے کہا چیئرمین سینیٹ بلوچستان سے ہونا چاہیے ،سب کی کوشش ہونی چاہیے سینیٹ کا چیئرمین مسلم لیگ ن کا نہ بنے ورنہ نواز شریف کرپشن کی اجازت دینے کا قانون بنانے کی کوشش کریں گے ،ان کا راستہ روکیں گے ، یہ جمہوریت پسندنہیں بلکہ لوٹ مار کرنے والی پارٹی ہے ، یہ ہراس ادارے پر حملہ کر رہے ہیں جو ان کا غلام نہیں، جب سے پاناما آیا ن لیگ والے نواز شریف کی چوری بچانے کی کوشش کر رہے ہیں،پشاور میں پارٹی ممبر سازی کیمپ کے افتتاح کے بعد میڈیا سے گفتگو کرتے ہوئے عمران خان نے کہا سینیٹ الیکشن کا طریقہ کار ہارس ٹریڈنگ کو فروغ دے رہا ہے ، براہ راست سینیٹ الیکشن کی تجویز دی تھی لیکن زیادہ تر جماعتوں نے ہماری تجویز نہیں مانی،سینیٹ الیکشن میں ضمیر خریدنے کیلئے 4، 4 کروڑ روپے دیئے گئے ، پارٹی کے اندرانکوائری کرا رہے ہیں ،کسی کے خلاف ثبوت ملا تو

کارروائی کریں گے ،جن لوگوں نے رقم لی ان کا کیس نیب کو بھیج کر پارٹی سے نکال دیں گے ،سوشل میڈیا پر نام آنے سے کسی پر الزام نہیں لگایا جا سکتا ، خفیہ ووٹنگ کرپشن کو فروغ دیتی ہے ، ارکان کو موقع ملتا ہے کہ وہ پیسہ بنائیں اور پکڑے بھی نہ جائیں، آئین توڑنے پر سزا ملنی چاہیے ،2018 کے انتخابات فیصلہ کن ہوں گے ،ان لوگوں کو ٹکٹ دیں گے جو سینیٹ الیکشن میں نہیں بکے ،بلوچستان میں نومنتخب سینیٹرز میں آزاد 6،نیشنل پارٹی2 ، پی کے میپ 2 اور جے یو آئی ف کا ایک رکن شامل ہے ،’’طلبا کی عدالت ‘‘ میں سوالوں کے جواب دیتے ہوئے عمران خان نے کہا وزیراعظم بننا کامیابی نہیں، نظام بدلنا ضروری ہے ،کراچی کو کوئی بھی اپنانے کو تیار نہیں، سندھ میں سب سے زیادہ تبدیلی کی ضرورت ہے ، موروثی سیاست کا مخالف ہوں، میرا کوئی رشتہ دار پارٹی عہدے پر نہیں، ریحام خان کی کتاب سے خوفزدہ نہیں، یہ ہمیں الیکشن میں مزید فائدہ پہنچائے گی، مدارس میں غریب کے بچے پڑھتے ہیں، دہشت گرد تو یونیورسٹیوں سے بھی نکل رہے ہیں، شادی

کے سوال پر کہا 65 سال کے بندے سے شادی کا سوال نہیں کرتے ، 25 سال کی عمر میں شادی ہو تو بات کی جاسکتی ہے ، اقامہ منی لانڈرنگ کا ایک طریقہ ہے ، قوم کے 90 ہزار کروڑ روپے چوری کئے گئے ، نواز شریف نے قطری خط کے سوا کچھ پیش نہیں کیا۔ وزیر اعلیٰ خیبر پختونخوا پرویز خٹک نے بھی وزیر اعلیٰ بلوچستان عبدالقدوس بزنجو سے ملاقات کی جس میں چیئرمین سینیٹ کے انتخاب پر تبادلہ خیال کیا گیا ۔

سینیٹ چئیرمین کے حوالے سے عمران خان کا اہم ترین اعلان


کوئٹہ(نیوزڈیسک): سینیٹ چئیرمین کے حوالے سے عمران خان نے اہم ترین اعلان کر دیا۔تحریک انصاف کے سربراہ عمران خان نے سینیٹ چئیرمین کے لیے تحریک انصاف کی 13 سیٹیں وزیر اعلیٰ بلوچستان کے حوالے کردیں۔تفصیلات کے مطابق پاکستان تحریک انصاف کے سربراہ عمران خان نے بلوچستان کے وزیر اعلیٰ عبدالقدوس بزنجو سے ملاقات کی۔ جس

کے بعد سینیٹ چئیرمین کے حوالے سے عمران خان نے اہم ترین اعلان کر دیا۔تحریک انصاف کے سربراہ عمران خان نے سینیٹ چئیرمین کے لیے تحریک انصاف کی 13 سیٹیں وزیر اعلیٰ بلوچستان کے حوالے کردیں۔اس موقع پر عمران خان کا کہنا تھا کہ سینیٹ کا چیئرمین بلوچستان سے ہونا چاہیے اس لیے فیصلہ کیا ہے سینیٹ کی 13سیٹیں وزیراعلی ٰبلوچستان کے حوالے کر رہے ہیں ۔سب کی کوشش ہونی چاہیے سینیٹ کا چیئرمین ن لیگ سے نہ ہو۔اس پر وزیر اعلیٰ بلوچستان کا کہنا تھا کہ خان صاحب نے دل بڑا کر کے ہماری حمایت کا کہا۔زرداری صاحب کو قائل کریں گے چیئرمین سینیٹ بلوچستان سے ہو۔یاد رہے کہ سینیٹ کے چئیرمین اور ڈپٹی چئیرمین کا انتخاب 12 مارچ کو ہونے جا رہا ہے جس کے لیے سیاسی جوڑ توڑ اپنے عروج پر ہے۔

فیصل سبحان کیلئے ’’تلاش گمشدہ ‘‘ کی مہم کا اعلان ،عمران خان نے فیصل سبحان کو ڈھونڈنے کا کیوں کہہ دیا ، شہباز شریف سے اس کا کیا تعلق ہے ؟ حیرت انگیز انکشافات


اسلام آباد (نیوز ڈیسکتحریک انصاف کے چیئرمین عمران خان نے چینی حکام کے سامنے کیپیٹل انجینئرنگ کے چیف ایگزیکٹو آفیسر کے بیان کو شہباز شریف کا پاناما قرار دے دیا اور کہا کہ ملتان میٹرو بس منصوبے میں کرپشن کا انکشاف کرنے والے فیصل سبحان کو لاپتہ کردیا گیا ہے۔عمران خان نے فیصل سبحان کی گمشدگی کی تحقیقات کرنے کا مطالبہ کیا اور

ساتھ ہی فیصل سبحان کی بازیابی کے لیے “تلاش گمشدہ” مہم چلانے کا بھی اعلان کردیا۔کیپیٹل کنسٹرکشن نامیکمپنی کے سربراہ فیصل سبحان نے میٹرو منصوبے میں کرپشن کی تحقیقات کرنے والے چینی حکام کے سامنے اعتراف کیا کہ شہباز شریف اور ان کے خاندان کے بیروب ملک اکاؤنٹس میں ہمارا کمیشن منتقل کیا گیا۔شریف کی پانامہ لیکس اب منظر عام پر آئی ہے۔ کیپیٹل کنسٹرکشن نامی کمپنی کے سربراہ فیصل سبحان نے ملتان میٹرو منصوبے میں کرپشن کی تحقیقات کرنے والے چینی حکام کے سامنے اعتراف کیا ہے کہ شہباز شریف اور انکے خاندان کے بیرون ملک اکاؤنٹس میں بھارا کمیشن منتقل گیا ہے۔اس اعتراف کے بعد فیصل سبحان کو غائب کردیا گیا اور میں اس گمشدگی کی عدالتی تحقیقات کا مطالبہ کرتا ہوں۔ پنجاب کی نوکر شاہی کا کردار بے نقاب ہونے کے بعد میری سپریم کورٹ سے استدعا ہے کہ میڑو اور اورنج لائین منصوبوں کے معاہدے بھی قوم کے سامنے لائے جائیں۔ عمران خان کا اپنے ٹویٹس میں کہنا تھا کہ اس اعتراف کے بعد اس اعتراف کے بعد فیصل سبحان کو غائب کر دیا گیا، میں اس گمشدگی کی عدالتی تحقیقات کا مطالبہ کرتا ہوں۔ پنجاب کی نوکر شاہی کا کردار بے نقاب ہونے کے بعد میری سپریم کورٹ سے استدعا ہے کہ میڑو اور اورنج لائین منصوبوں کے معاہدے

بھی قوم کے سامنے لائے جائیں۔پاکستان تحری انصاف کے چیئرمین کا کہنا تھا کہ حکومت کا شفافیت بالائے طاق رکھتے ہوئے اربوں روپے مالیت کے ان منصوبوں کو خفیہ تجوریوں میں چھپائے رکھنا ناقابل قبول ہے۔عمران خان نے مزید لکھا کہ ’’اس اعتراف کے بعد فیصل سبحان کو غائب کردیا گیا اور میں اس گمشدگی کی عدالتی تحقیقات کا مطالبہ کرتا ہوں‘‘۔

چیئرمین پی ٹی آئی نے کہا کہ ’’پنجاب کی نوکر شاہی کا کردار بے نقاب ہونے کے بعد میری سپریم کورٹ سے استدعا ہے کہ میڑو اور اورنج لائن منصوبوں کے معاہدے بھی قوم کے سامنے لائے جائیں‘‘۔عمران خان نے کہا کہ حکومت کی جانب سے شفافیت کے تمام تقاضے بالائے طاق رکھتے ہوئے اربوں روپے مالیت کے ان منصوبوں کو خفیہ تجوریوں میں چھپائے رکھنا ناقابل قبول ہے۔

ریحام خان نےعمران خان کے ایک اور راز سے پردہ اٹھا دیا


اسلام آباد (نیو ز ڈیسک) عمران خان کی سابقہ اہلیہ ریحام خان نے کہا ہے کہ عمران خان کے سیاسی خیر خواہوں نے دھمکیاں دیں ہیں کہ جس نے بھی عمران خان سے متعلق زبان کھولی اسے اْڑا دیا جائیگا۔ برطانوی میڈیا کو دئیے انٹرویو میں عمران خان کی سابقہ اہلیہ نے کہا کہ عمران خان کے سیاسی خیر خواہوں نےدھمکیاں دیں ہیں کہ جس نے بھی عمران خان سے

متعلق زبان کھولی اسے اْڑا دیا جائے گا۔نجی ٹی وی کے مطابق برطانوی نژاد پاکستانی ریحام خان برطانیہ میں اپنی سوانح حیات لکھ رہی ہیں جس میں ان کی عمران خان سے شادی سے متعلق انکشافات شامل ہیں۔برطانوی میڈیا کو انٹرویو میں ریحام خان نے کہا کہ عمران خان ہندسوں اور تاریخوں کے بارے میں بہت شکی ہیں۔ انہوں نے مزید کہا کہ ان کی طلاق کی تاریخ کا تعین کرنے والی بھی بشریٰ مانیکا ہی تھیں۔ریحام نے بتایا کہ عمران خان اس وقت بھی ان کے مرید تھے اور ان کے تعلقات ان کی شادی کے دوران شروع ہوئے تھے۔جبکہ عمران خان کی تیسری شادی کے بعد ریحام خان نے شدید تنقید کا سلسلہ جاری رکھتے ہوئےعمران خان کوعلم الاعداد پراندھا یقین رکھنے والا قرار دے دیا ہےریحام خان نے دعویٰ کیا ہے کہ کپتان علم الاعداد پر یقین رکھتے ہیں۔ برطانوی جریدے کوانٹرویودیتے ہوئے ریحام خان نے بتایا کہ کپتان علم الاعداد پر اِس قدر یقین رکھتے ہیں کہ انہوں نے شادی کے وقت والدین کے نام بھی پوچھے تھے۔ریحام خان نے کہا کہ جب تعلقات کشیدہ ہوئے تو کپتان نے اِس بات کا اظہار بھی کیا تھا کہ ناموں کے موازنے میں کوئی غلطی ہوئی ہے۔ عمران خان کو

بہت جلد اپنے وزیر اعظم بننے پر بھی پختہ یقین تھا۔ ریحام خان کا کہنا تھا کہ چیئرمین تحریک انصاف کے خلاف بولنے پر دھمکیاں ملنے لگی ہیں جس کی وجہ سے انہیں ملک چھوڑنا پڑا ہے۔