Tag Archives: عمران خان

عمران خان نے 2018 کو تبدیلی کا سال قرار دیتے ہوئے کارکنوں کو انتخابات کی تیاری کی ہدایت کر دی


لاہور( نیو زڈیسک )تحریک انصاف نے مسلم لیگ (ن) کے سینیٹر نہا ل ہاشمی کی نا اہلی سے خالی ہونے والی سینیٹ کی نشست پر مقابلے کے لئے ڈاکٹر زرقا کو ٹکٹ جاری کردیا۔ الیکشن کمیشن کی جانب سے مذکورہ نشست پر انتخاب کے لئے شیڈول جاری کردیا گیا ہے اور اس نشست پر یکم مارچ کو انتخاب ہوگا ۔2018 تبدیلی کا سال ہے کارکن انتخابات کی تیاری کریں۔

اس سے قبل چیئرمین تحریک انصاف عمران خان نے 2018 کو تبدیلی کا سال قرار دیتے ہوئے کارکنوں کو انتخابات کی تیاری کی ہدایت کر دی ہے۔سرگودھا میں پی ٹی آئی کے ورکرز کنوینشن سے خطاب کرتے ہوئے چیئرمین تحریک انصاف عمران خان کا کہنا تھا کہ پختونخوامیں تحریک انصاف کی کارکردگی کاپوری دنیااعتراف کررہی ہے، اس مرتبہ پنجاب اور دیگر صوبے بھی تبدیلی کا حصہ بنیں گے۔عمران خان نے کہا کہ قوم کے وسائل لوٹ کر شریفوں اور زرداریوں نے قوم کوغریب بنا دیا ہے، قومی مجرموں کو جیلوں میں ڈالیں گے اور لوٹا ہوا پیسہ قوم کو واپس دلوائیں گے۔ان کا کہنا تھا کہ چوری شدہ دولت بچانے کے لیے ملک میں انتشار کی کوششیں کی گئیں اور اداروں کوان کے آئینی کردار سے روکنے کے لیے بے شمار حملے کیے گئے۔چیئرمین تحریک انصاف کا کہنا تھا کہ ظالم اور کرپٹ سیاستدانوں سے سیاست آزاد کرائے بغیر استحکام و ترقی ممکن نہیں، آئندہ انتخابات میں شریفوں اور ان کے کرپٹ حواریوں کو فرار کا موقع نہیں دیں گے۔عمران خان نے کہا کہ 2018 تبدیلی کا سال ہے اس لیے کارکن انتخابات کی تیاری کر لیں، ہر حلقے میں کرپٹ خاندان کے امیدواروں کا مقابلہ کریں گے۔

عمران خان کی دعوت پر چوہدری نثار کی پی ٹی آئی میں شمولیت ؟پرویز رشید کے اعلان نے نیا تنازعہ کھڑا کر دیا


اسلام آباد(نیو زڈیسک ) پاکستان مسلم لیگ (ن) کے رہنما سابق وفاقی وزیر اطلاعات سینیٹر پرویز رشیدنے عمران خان کی چودھری نثارکوپارٹی میں شمولیت کی آفرپر تبصرہ کرنے سے گریز کر تے ہو ئے کہا ہے کہ تحریک انصاف میں شمولیت کی آفر عمران اورچودھری نثار کامعاملہ ہے،چودھری نثار سے میراکیالینادینا؟،پاکستان میں سیاسی عمل میں حصہ لینا

گناہ ہے، پی ایس ایل کا فائنل کراچی میں ہونا بھی نوازشریف کا ہی گناہ ہے جس نے کراچی کو محفوظ بنایا۔ پیر کو سپریم کورٹ میں پیشی کے موقع پر میڈیا سے گفتگو کرتے ہوئے سینیٹر پرویز رشید نے عمران خان کی چودھری نثارکوپارٹی میں شمولیت کی آفرپر تبصرہ کرنے سے انکارکر دیا اور کہا کہ تحریک انصاف میں شمولیت کی آفر عمران اورچودھری نثار کامعاملہ ہے،چودھری نثار سے میراکیالینادینا؟۔ انہوں نے کہا پاکستان میں سیاسی عمل میں حصہ لینا گناہ ہے،آج پی ایس ایل کا فائنل کراچی میں ہونے جا رہا ہے ،یہ گناہ نوازشریف کا ہی ہے جس نے کراچی کو محفوظ بنایا۔

) پاکستان تحریک انصاف کے چیئرمین عمران خان نے پاکستان مسلم لیگ نواز کے رہنما اور سابق وزیر داخلہ چوہدری نثار علی خان


اسلام آباد(نیو زڈیسک ) پاکستان تحریک انصاف کے چیئرمین عمران خان نے پاکستان مسلم لیگ نواز کے رہنما اور سابق وزیر داخلہ چوہدری نثار علی خان کو پارٹی میں شمولیت کی دعوت دے دی۔انہوں نے کہا کہ چوہدری نثار تحریک انصاف میں آجائیں تو اچھا ہے لیکن آزاد حیثیت سے الیکشن لڑنے پر بھی ان کی حمایت کریں گے۔عمران خان نے کہا کہ

سیاست میں بعض اوقات دل بڑا کرنا پڑتا ہے۔خیال رہے کہ گزشتہ روز چوہدری نثار کا کہنا تھا کہ ڈان لیکس صرف (ن) لیگ کا مسئلہ نہیں، یہ ایک بہت سنجیدہ مسئلہ ہے اور اگر اس معاملے پر پارٹی کا مرکزی مجلس عاملہ اجلاس نہ بلایا گیا تو رپورٹ پبلک کروں گا۔سابق وزیرداخلہ نے کہا کہ ‘اگر معاملات پارٹی کے اندر حل ہوئے تو ٹھیک ورنہ ڈان لیکس کو قوم کے سامنے لاؤں گا۔ان کا کہنا تھا کہ پرویز رشید نامی شخصیت 90کی دہائی میں پارٹی میں آئی، اب وہ کھلم کھلا کہہ رہے ہیں کہ مجھے پارٹی سے نکلوا دیں گے۔

عمران خان نے شادی کر لی یا نہیں ؟ نامور عالم دین نے ایک شعر میں ساری حقیقت بیان کر دی


سلام آباد (ویب ڈیسک ) چیئرمین تحریک انصاف عمران خان کی تیسری شادی کی خبریں زبان زد عام ہیں مگر نہ تو عمران خان کی جانب سے اسے تسلیم کیا جارہا اور نہ ہی تحریک انصاف اسے ماننے کو تیار ہے، تاہم عمران خان کا تیسرا نکاح پڑھانے والے مبینہ نکاح خوان مفتی سعید نے اس نکاح پرعلامہ اقبال کا شعر تبصرے کے طور پر پیش کردیا ہے۔چیئرمین

تحریک انصاف عمران خان کی تیسری شادی کے مبینہ نکاح خوان مفتی سعید سے صحافی نے سوال کیا کہ کیا عمران خان کی تیسری شادی ہو چکی ہے اور نکاح کو پوشید ہ رکھنے یا انکار کرنے سے متعلق اسلام کے کیا احکامات ہیں؟اس سوال کے جواب میں مفتی سعید نے علامہ اقبال کی نظم کا ایک شعر پڑھا اور مزید تبصرے سے انکار کردیا ، مفتی سعید کا کہنا تھا کہ علامہ اقبال کا شعر ہے، ”بڑی باریک ہیں واعظ کی چالیں، لرز جاتا ہے آواز اذاں سے“اس شعر کے حوالے سے شاعروں کا کہنا تھا کہ علامہ اقبال نے واعظ کی چالوں کو بیان کرتے ہوئے کہا ہے کہ وہ اتنا چال باز ہوتا ہے کہ لوگوں کو دکھانے کے لئے آواز کی اذان پر لرز اٹھتا ہے اور اس کا واعظ کی شخصیت پر کوئی اثر نہیں ہوتا ، وہ صرف لوگوں کو نصیحت کرتا ہے مگر اپنی زندگی نہیں بدلتا

عمران خان بال بال بچ گئے،ریحام خان ایسی بھی ہونگی کسی نے سوچا تک نہ تھا ،رنگے ہاتھوں پکڑی گئیں، لوگوں کو کیاکہتی رہیں اور خود کیسی نکلیں، دھماکہ خیز انکشافات سامنے آگئے


اسلام آباد(مانیٹرنگ ڈیسک)ریحام خان کے ساتھ شادی شدہ زندگی کے 12سال بہت برے اور مشکل گزرے، طلاق نہ دیتا تو شاید مارا جاتا، میری فیملی بہت اعلیٰ تعلیم یافتہ ہے، تمام لوگ پڑھے لکھے ہیں، ریحام خان ہمارے خاندان میں سب سے کم تعلیم یافتہ تھی، اسے پڑھنے کا بالکل شوق نہیں تھا، میرے سامنے کوئی ڈگری نہیں لی، عمران خان کی سابقہ اہلیہ کے پہلے شوہر ڈاکٹر اعجاز کا نجی ٹی وی کو انٹرویو ، اگر ڈاکٹر اعجاز مجھ پر تشدد کرتے ہوتے تو

 

آج میں یہاں نہ بیٹھی ہوتی، ڈاکٹر اعجاز کی دوسری اہلیہ ڈاکٹر سماویہ نے ریحام خان کے پہلے شوہر پر تشدد کے الزامات مسترد کر دئیے۔ تفصیلات کے مطابق عمران خان کی سابقہ اہلیہ ریحام خان کے پہلے شوہر ڈاکٹر اعجاز نے نجی ٹی وی کو انٹرویو دیتے ہوئے کہاہے کہ ریحام خان کے ساتھ شادی شدہ زندگی کے 12سال بہت برے اور مشکل گزرے، طلاق نہ دیتا تو شاید مارا جاتا۔ ان کا کہنا تھا کہ انہوں نے بچوں کی خاطر ریحام خان کے ساتھ گزارا کرنے کی کوشش کی تاہم جب معاملات حد سے گزر گئے تو انہیں طلاق دیدی۔اس موقع پر ڈاکٹر اعجاز کی دوسری اہلیہ ڈاکٹر سماویہ نے ریحام خان کی جانب سے اپنے پہلے شوہر ڈاکٹر اعجاز پر تشدد کے الزامات کو مسترد کرتے ہوئے کہا کہ مجھے دوسروں کی عزت کرنا آتی ہے اور اپنی کروانا بھی آتی ہے۔ اگر ڈاکٹر اعجاز مجھ پر تشدد کرتے ہوتے تو آج میں یہاں نہ بیٹھی ہوتی۔ ریحام خان کی تعلیم کے حوالے سے بات کرتے ہوئے ڈاکٹر اعجاز کا کہنا تھا کہ ہمارا خاندان انتہائی تعلیم یافتہ اور پڑھا لکھا ہے ، ریحام ہماری فیملی میں سب سے کم تعلیم یافتہ تھیں ، انہوں نے میرے سامنے نہ کوئی ڈگری لی اور نہ ہی انہیں پڑھنے کا شوق تھا۔

 

ڈاکٹر اعجاز نے کہا کہ ریحام خان نے یہ بھی کہا کہ میں نےان کو پڑھنے سے روکا اور وہ چھپ چھپ کر پڑھتی تھی لیکن میں نے اسے کیوں روکنا ہے اگر ایسی بات ہوتی تو میں کسی ان پڑھ سے شادی کر لیتا، میری دوسری بیوی بہت پڑھی لکھی ہے اور میں نے اس کو مکمل آزادی دی ہے اور زندگی کے ہر سٹیج پر سپورٹ کیا ہے۔

عمران خان نے سرمایہ داروں اور جاگیرداروں کو سینٹ ٹکٹ جاری کئے ہیں، عائشہ گلالئی نے میدان سنھال لیا


ملتان (نیو زڈیسک) پاکستان تحریک انصاف کی منحرف رہنما عائشہ گلالئی نے عمران خان کے مدمقابل آئندہ الیکشن لڑنے کا اعلان کردیا‘ عائشہ گلالئی نے کہا کہ قوم مخلص لیڈر کی تلاش میں ہے‘ عمران خان نے سرمایہ داروں اور جاگیرداروں کو سینٹ ٹکٹ جاری کئے ہیں۔ تفصیلات کے مطابق جمعہ کو عائشہ گلالئی نے عمران خان کے مدمقابل الیکشن

لڑنے کا اعلان کردیا عائشہ گلالئی نے کہا کہ آئندہ انتخابات میں عمران خان کے مدمقابل الیکشن لڑوں گی لوگ مخلص لیڈر کی تلاش میں ہیں۔ عمران خان نے کرپٹ لوگوں کے ساتھ ہاتھ ملایا ہے تحریک انصاف نے سرمایہ داروں اور ج اگیر داروں کو سینٹ ٹکٹ جاری کئے ہیں۔

الیکشن کمیشن کی تنبیہ کو نظرانداز کرتے ہوئے عمران خان قومی اسمبلی کے حلقہ این اے 154 لودھراں میں


اسلام آباد(نیو زڈیسک ) الیکشن کمیشن کی تنبیہ کو نظرانداز کرتے ہوئے عمران خان قومی اسمبلی کے حلقہ این اے 154 لودھراں میں تحریک انصاف کے جلسے میں پہنچ گئے ۔الیکشن کمیشن نے تحریک انصاف کے چیئرمین سے کہا تھا کہ انتخابی حلقے ميں رکن قومی اسمبلی جلسہ نہيں کرسکتا۔خیال رہے کہ تحریک انصاف کے رہنما جہانگیر ترین کی

نااہلی کے بعد قومی اسمبلی کے نشست این اے 154 خالی ہوئی تھی جس پر ان کے صاحبزادے علی ترین پی ٹی آئی کے امیدوار ہیں۔تحریک انصاف کا جلسہ اس وقت جاری ہے جس میں عمران خان سمیت تحریک انصاف کے دیگر رہنما بھی اسٹیج پر موجود ہیں۔جلسے خطاب میں شیخ رشید نے کہا کہ آج قوم کے پاس عمران خان کے علاوہ کوئی آپشن نہیں، نواز شریف خود کو شیخ مجیب کہتے ہیں۔ ’اگر شریف خاندان جیل نہ گیا تو میرا نام رانا ثنااللہ رکھ دینا۔

الیکشن کمیشن نے ضیا اللہ آفریدی کے خلاف عمران خان کا ریفرنس خارج کر دیا،ضیا اللہ آفریدی رکن خیبر پختونخوا اسمبلی برقرار


اسلام آباد (نیوز ڈ یسک )الیکشن کمیشن نے ضیا اللہ آفریدی کے خلاف عمران خان کے ریفرنس کا فیصلہ سنا دیا،الیکشن کمیشن نے ضیا اللہ آفریدی کے خلاف عمران خان کا ریفرنس خارج کر دیا ۔تفصیلات کے مطابق الیکشن کمیشن نے ضیا اللہ آفریدی کے خلاف عمران خان کے ریفرنس کا فیصلہ سنا دیا۔ریفرنس کی سماعت چیف الیکشن کمشنر سردار محمد رضا کی

 

سربراہی میں4رکنی بینچ نے کی۔ پاکستان تحریک انصاف کے چئیرمین عمران خان نے ضیا اللہ آفریدی کو ڈی سیٹ کرنے کے لئے ریفرنس دائر کیا تھا۔الیکشن کمیشن نے ضیا اللہ آفریدی کے خلاف عمران خان کا ریفرنس خارج کر دیا ہے۔الیکشن کمیشن کے فیصلے کے بعد ضیا اللہ آفریدی رکن خیبر پختونخوا اسمبلی برقرار رہیں گے۔یاد رہے کہ ضیا اللہ آفریدی کی پیپلز پارٹی میں شمولیت کی خبریں اخبارا ت کی زینت بنی جب کہ پیپلز پارٹی کی ویب سائٹ پر بھی ضیا اللہ آفریدی کی پیپلز پارٹی میں شمولیت کا ذکر کیا گیا تھا۔

شادی کے بعد تو آپ کہتی تھیں کہ قائد اعظم کے بعد صرف عمران خان ہی ملک سنبھال سکتے ہیں تواب کیا ہوا،اینکر کے سوال پر ریحام نے کیا جواب دیا،جانئے


اسلام آباد (نیوز ڈیسک)چیئرمین پاکستان تحریک انصاف عمران خان کی سابقہ اہلیہ ریحام خان کی نجی ٹی وی چینل کے اینکر نے لائیوپروگرام کے دوران کلاس لے لی ۔ہوا کچھ یوں کہ اینکر نے ریحام خان سے پوچھا کہ آپ تو کہتی تھیں کہ قائد اعظم کے بعد عمرا ن خان ہی اس قوم کو سنبھال سکتے ہیں اور پاکستان کی تقدیر کو بدل سکتے ہیں۔آپ تو عمران خان کو قائد

 

اعظم کے بعد سب سے بڑا لیڈر مانتی تھیں تو اب کیا ہوا؟ جس پر ریحام خان نے کہا کہ میری غلطی صرف یہ ہے کہ پاکستان اور بھارت میں جتنی بھی خواتین کی شادیاں ہوتی ہیں ان کی حتی الامکان کوشش ہوتی ہے کہ وہ اپنے شوہر کا جو بھی کاروبار ہے یا ذمہ داریاں ہیں اس کو سنبھال لیں۔برائیاں سب میں ہوتی ہیں لیکن شوہروں کی برائیوں پر تمام خواتین پردے بھی ڈالتی ہیں۔ ہم نے مار بھی کھائی ہو تو یہی کہتی ہیں کہ ہم سیڑھیوں سے گرے ہیں۔ میں نے بھی ٹھیک اسی طرح بہت کوشش کی کہ میرا امیج اچھا رہے اور میں بتا سکوں کہ آخر مقصد کیا ہے، میں چاہتی تھی کہ لوگ جو محبت ، عزت اور اعتماد عمران خان پر کرتے تھے وہ کہیں کھو نہ جائے لیکن میں اپنی کوششوں میں ناکامیاب رہی۔دوسری جانب پاکستان تحریک انصاف کے سربراہ عمران خان نے پارٹی رہنماؤں کی ریحام خان کی جانب سے لگائے جانے والے الزامات پر جواب نہ دینے کی ہدایت کردی ترجمان تحریک انصاف فواہد چوہدری نے کہا ہے کہ عمران خان نے ایک پالیسی بنائی ہے جس میں عمران خان نے تمام پارٹی رہنماؤں کو ہدایت کی ہے کہ وہ ریحام خان کے الزامات کا جواب نہ دیں انہوں نے کہا کہ ویسے بھی ریحام خان کو اپنی عزت کی پرواہ نہیں ایسے ریحام خان کے بیانات پر بات کرتے ہوئے بُرا

 

لگتا ہے جبکہ ریحام خان کی شوکت خانم ڈونرز اور دیگر سے ملاقاتیں بھی سامنے آرہی ہے۔

ننھی اسما کے قاتل کی گرفتاری پر خیبرپختونخواپولیس کی کارکردگی کو سراہتے ہوئے


اسلام آباد (نیو زڈیسک ) تحریک انصاف کے چیئرمین عمران خان نے ننھی اسما کے قاتل کی گرفتاری پر خیبرپختونخواپولیس کی کارکردگی کو سراہتے ہوئے کہا ہے کہ صرف ایک خون کے قطرے سے پولیس نے کیس حل کرلیا۔میڈیا رپورٹ کے مطابق مردان میں زیادتی کے بعد قتل ہونے والی 4 سالہ ننھی اسما کے کم عمر سفاک قاتل محمد نبی کو گرفتار کرلیا گیا ہے۔

چیئرمین پی ٹی آئی عمران خان نیاسما کیس میں خیبرپختونخوا پولیس کی کارکردگی کی تعریف کرتے ہوئے کہا کہ پولیس کو خون کا صرف ایک قطرہ ملا، اس کے علاوہ کوئی دوسرا ثبوت یہاں تک کہ سی سی ٹی وی فوٹیج بھی نہیں تھی تاہم پھر بھی خیبرپختونخوا پولیس نے ملزم کو پکڑ لیا۔ کے پی پولیس جدید سائنسی اور فورانزک طریقے سے کام کرنے کی مہارت رکھتی ہے۔عمران خان نے کہا کہ اسما قتل میں پولیس چیف نے پروفیشنل بریفنگ دی، وزیراعلیٰ خیبرپختونخوا کی جانب سے کوئی سیاسی فتح نہیں دکھائی گئی، پنجاب اور سندھ کی سیاسی اور جرائم پیشہ پولیس اور خیبرپختونخوا کی پروفیشنل پولیس میں یہی واضح فرق ہے۔واضح رہے کہ گزشتہ ماہ مردان کے نواحی علاقے گوجر گڑھی سے بچی اسما گھر سے باہر کھیلتے ہوئے لاپتہ ہوگئی تھی بعد میں اس کی لاش گھرکے قریب واقع گنے کے کھیتوں سے ملی تھی۔