Tag Archives: زینب قتل

زینب قتل کیس کے لواحقین کےزبردست خبر آگئی


لاہور (نیو زڈیسک ) بچے غیرمحفوظ ہیں۔ نجی ٹی وی چینل  کی رپورٹ پر پنجاب حکومت نے ایکشن لے لیا۔ زیادتی کیسز انسداد دہشتگردی عدالتوں کو بھیجنے کا فیصلہ کر لیا گیا۔ پنجاب میں ڈی این اے ایکٹ بنانے کا بھی اعلان، یونیسف کی تجاویز شامل ہوں گی۔ننھی زینب سے درندگی نے کئی سوالات کو جنم دے دیا۔ پنجاب میں بچے غیرمحفوظ ہیں۔ دنیا نیوز کی

خصوصی رپورٹ پر حکومت بھی سوچنے پر مجبور ہو گئی۔پنجاب میں ڈی این اے ایکٹ بنانے کا اعلان کر دیا۔ نئے قانون میں یونیسف کی تجاویز شامل ہوں گی۔ وزیر اعلیٰ کی تشکیل دی گئی کمیٹی نے کام شروع کر دیا۔ کمیٹی 15 جنوری کو ابتدائی جبکہ 22 جنوری کو حتمی سفارشات وزیر اعلیٰ کو پیش کرے گی۔ سی ایم کمیٹی کی ابتدائی سفارشات تیار ہو گئیں۔ جہاں کسی بچے سے زیادتی ہو گی، اردگرد 2 کلو میٹر علاقے کے رہائشی تمام مردوں کا ڈی این اے ہو گا۔ بچوں کے حوالے سے حفاظتی تدابیر اور نصاب میں مضامین شامل کرنے جبکہ یونیورسٹی سطح پر تحقیقی مضامین نصاب میں شامل کرنے کی تجاویز بھی زیرغور ہیں۔بچوں سے زیادتی کیسز انسداد دہشتگردی عدالتوں کو بھیجنے کا فیصلہ بھی کیا گیا ہے۔ ایسے کیسز سے نمٹنے کیلئے امریکہ اور ترقی یافتہ ممالک کی طرز پر اقدامات کئے جائیں گے۔ پنجاب میں بھی امریکہ جیسا امبر الرٹ نظام وضع کیا جائیگا۔ سفارشات میں زیادتی کے کیسز کی تحقیقات تاخیر کا شکار ہونے کی وجوہات بھی تلاش کی جائیں گی۔

زینب قتل کے خلاف احتجاج کرنے والوں پر قصور پولیس کی فائرنگ اور دو افرادکے قتل کا مقدمہ وزیر اعلیٰ پنجاب اور وزیر قانون رانا ثناء اللہ


لاہور (نیو زڈیسک ) زینب قتل کے خلاف احتجاج کرنے والوں پر قصور پولیس کی فائرنگ اور دو افرادکے قتل کا مقدمہ وزیر اعلیٰ پنجاب اور وزیر قانون رانا ثناء اللہ کے خلاف درج کرنے کے لئے لاہور کی سیشن کورٹ میں درخواست دائرکر دی گئی۔ یہ درخواست پاکستان تحریک انصاف کی رہنما تنزیلہ عمران کی جانب سے دائر کی گئی ہے،

درخواست میں کہا گیا کہ قصور میں وزیر اعلیٰ پنجاب شہباز شریف اور رانا ثناء اللہ کے ایما پر پولیس نے مظاہرین پربراہ راست فائرنگ کی،درخواست میں کہا گیا کہ قصور میں مظاہرین پر فائرنگ سے دو افراد جاں بحق ہوئے، وزیر اعلیٰ اور وزیر قانون نے عوام کے جان و مال کے تحفظ کا حلف اٹھا رکھا ہے، نہتے شہریوں کاقتل عام حلف کی خلاف ورزی اور پولیس کی قانون کو ہاتھ میں لینے کی بدترین مثال ہے، درخواست میں استدعا کی گئی ہے کہ عدالت وزیر اعلیٰ پنجاب شہباز شریف اور رانا ثناء اللہ کے خلاف قتل اور دہشت گردی کی دفعات کے تحت مقدمہ درج کرنے کا حکم دے۔